Datuak Babesteko Euskal Agintaritzak (DBEAk) datorren azaroaren 19an, 9:30ean, Bizkaia Aretoan (Bilbo) egingo du Lehenengo HEDATU Biltzarra, Datuak Babesteko Euskal Ordezkari Sareari sendotasuna emateko eta arlo profesionalean esperientziak partekatzeko elkargune bihurtu nahi den ekitaldia.
Gorantz doan komunitatea
HEDATU 2024an sortu zen, Euskal Sektore Publikoko DBOentzako topaketa eta lankidetza plataforma aitzindari gisa. Pribatutasuna eta datu pertsonalen kudeaketa gero eta garrantzitsuagoak diren testuinguruan, DBEAk espazio hau abiarazi zuen helburu argiarekin: profesionalen arteko sarea sendotzea, ikaskuntza partekatua erraztea eta etengabe aldatzen ari den araudiak dakartzan erronkei erantzutea.
Urtebete igaro ondoren, HEDATU pribatutasunean adituak direnentzat erreferente gisa finkatu da.. Ez da tresna teknologiko soil bat, baizik eta komunitate bizia, non profesionalek baliabide espezializatuetara sarbidea duten, eztabaida-forotan parte hartzen duten, zalantzak argitzen dituzten eta, batez ere, elkarri laguntzen dioten eguneroko jardunean.
Biltzarra: topaketa estrategikoa
Lehenengo HEDATU Biltzarra aukera paregabea izango da Euskal Sektore Publikoko DBOak aurrez aurre elkartzeko, harremanak sendotzeko eta beste profesional batzuen esperientziak zuzenean ezagutzeko.
Laster ezagutuko den programak hitzaldiak, eztabaida-guneak eta jarduera bereziak bilduko ditu, praktika onak partekatzeko, erronka komunak aztertzeko eta irtenbide berritzaileak lantzeko.
2024an sarearen aurkezpenean parte hartu zutenek berriz topo egiteko aukera izango dute.
Aurten lehen aldiz hurbiltzen direnek, komunitate ireki, kolaboratibo eta etengabe hazten ari bat aurkituko dute.
Izena emateko epea datozen asteetan zabalduko da, programa osoarekin batera.
Zatoz. Partekatu. Ikasi. Konektatu.