Aurkitutako dokumentuak

Inprimatu Bilaketa findu

Eusko Jaurlaritzako Hezkuntza Sailak eta Googlek hitzarmen bat sinatu zuten Hezkuntza Sailaren mendeko ikastetxeetan Google WorkSpace For Education-en zerbitzuak erabiltzeko eta, hori inplementatzeko, erreklamatutako administrazioak ez zuen datu-babesaren gaineko eraginaren ebaluaziorik egin. Plataformaren azken erabiltzaileen (irakasle eta ikasleak) datu pertsonalak Googlek erabil ditzake Hitzarmenaren xede ez diren zerbitzu gehigarriak erabiltzeko. Eusko Jaurlaritzaren web-orrian Hezkuntza Sailaren mendeko tratamendu-jardueren erregistroak argitaratzen dira; bada, horietan ez da informaziorik agertzen hezkuntza-plataforma horrekin jarduteak dakarren datu pertsonalen tratamenduari buruz. DBEAk, prozedura ebazteko, hiru ohartarazpen egin zituen hiru jokabide arau-hauslerengatik: DBEOren 35. artikulua urratzeagatik, jokabide hori DBEOren 83.4.a) artikuluan ezarritako arau-haustea baita; DBEOren 5.1.a) artikuluan aldarrikatutako fideltasun eta gardentasunaren printzipioa urratzeagatik, jokabide hori lege-testu horren beraren 83.5.a) artikuluan ezarritako arau-haustea baita; eta, halaber, DBEOren 30. artikulua eta DPBEDBLOren 30. artikulua urratzeagatik, jokabide hori DBEOren 83.4 a) artikuluan eta DPBEDBLOren 74 l) artikuluan ezarritako arau-haustea baita.